Transcription
1
Monseigneur, hier au matin, lhomme de monsieur le baron de La Roche
2
mapporta votre pacquet du XVIIIe de ce moys. Je cuydoys que ledit
3
sieur baron ne fust pressé, sinon quant il vouloit arriver en
4
Avignon, mais je ne lay peu non plus arrester, ny veoir à son retour
5
que à son aller. Je desire bien fort entendre qu à quoy monsieur
6
d’Evènes se sera resolu à son passage de Lyon, comme aussi
7
je suys en merveilleuse peine de la maladie de monsieur le
8
premier president, encores que par votre lettre, vous men doniés
9
assés bone esperance. Mais jay veu par une lettre du XIXe quaprès
10
sestre mieux porté, son mal avoit rangregé. Je vous promets
11
que je ne prieray jamais Dieu de meilleur cueur ce me semble
12
que pour la prospérité de ce bon personnage. La perte du quel
13
je porteroys aussi aigrement que de seigneur ne amy que jaye
14
Je vous remercie bien humblement du soucy que vous plait
15
avoir de moy. Mais, foy dhomme de bien, cest plus outre
16
que je ne y ay voulu penser, encores que jaye escrit à
17
mon frère depuis la que jen receu la lettre du capitaine Celso
18
et dun autre que men donoit à ces fins advis, car je
19
ne luy en ay pas touché un mot. Jespère avecque vous que,
20
pour encore nous naurons point de guerre avec l’Espagnol, et
21
croy d’autant plus aysement que le roy catholique aura receu en
22
bone part les excuses du roy quil ne vouldra et naura
23
le moyen dembrasser tant daffères à la foys et sil ny a pas
24
apparence que lannée qui vient. Ils soit gueres plus delivré.
25
Mon frère mescrit pareillement de mesme du XIIIe quil a fait à
26
[v°] monsieur de St André du VIIe, y adiouxtant ces mots : « de
27
republica nihil est certi quod seribi posit », il me done
28fort bone esperance [barré : que ] d’avoir bien tost mon congé
29
et que monseigneur le mareschal Damville a monstré
30
de recevoir voluntiers mes lettres et de me porter sa
31
bone volunté. Je m’asseure que c’est pour se souvenir des expéditions desquelles nous envoyons au roy et à luy [ ]
32
notre negociation et donner advis amplement de ce
33
que nous estimons estre requis en ce lieu pour y estre
34
doresnavant toutes choses nomées de bon ordre avecque
35
la responce de quoy jespère mon congé après
36
toutes foys avoir executé ce que sa majesté
37
nous aura commandé ; et que ceux de la Religion
38
font les retifs daller en Flandres montre que la
39
peur et la necessité est tousiours plus forte et
40
fait aller à la guerre plus de gens que la gayeté
41
de cueur ou envie que lon aye den manger. Si le seigneur
42
que scavés a envie de doner une cassade [mots
43
barrés] au lieutenant de sa compagnie, mon seigneur de Neumours
44
luy en done le plus honeste pretexte du monde. Je ne
45
cuydois pas que monsieur de St André vous deut faire veoir
46
la lettre que jay escritte à monsieur d’Allières et vous prometz
47
monseigneur, que je tiens monsieur de Laval déià si sage et
48
advisé que je nen lestime en avoir besoing. Il na besoing
49
de pouvoir que destre aveques des grands personnages car il scaura bien
50
[f° 70] approcher, remarquer et retenir ce que luy poura servir,
51
seulement, je luy souhaitte bone santé et bone fortune.
52
On parle icy divertement de la defaicte et non défaicte
53
du duc de Medina Celi et me doubte que se trouvera
54
que toute la tempeste tumba sur la flotte de Portugal qui
55
estoit toutes de marchands pour les affères de Flandres. Nous
56
avons les mesmes nouvelles à mon advis que vous devés
57
avoir, hormis que lon dict que le roy de Navarre se doit
58
déclairer chef des Françoys que y vont, en quoy il y a bien
59
quelque apparence, ce que à la longue ne pourroit faillir
60
de nous y attirer, mesmes si on voloit prendre bon revanche
61
sur ce quartier desperance. Hier passa par icy un courrier que
62
dit que monsieur le baron de Rieux, gouverneur de Narbonne
63
a sceu comme, à Collyores, six gallères avoyent
64
deschargé quelques gens de guerre.
65
Monseigneur, après mes humbles recommandations à votre
66
bonne grâce et de madame, Je prie Notre Seigneur qui vous
67
done très longue et très heureuse vie. De Montpellier,
68
ce XXIIIIe juliet 1572
69
Votre très humble et très affectionné
70
serviteur
71
Bellievre
72
Ce porteur est envoyé exprès par un general des monoyes et par moy pour faire venir
73
les essayeur et tailleur de Grenoble affin de fère espreuves
74
de la monoye de la ceste ville, dont le roy a des plainctes
75
mesmes pour raison des doubles pris à telles pièces de six blancs
76
et nous mande fère les pièces aux meilleurs officiers. Le meilleur que jen voye
77
est que c’est à l’un des deux, autrement je craindroys que cela
78
me retarda.
79
Messieurs de la court de parlement de Tholose ont envoyé
80
en court monsieur du Faur, nouveau president, avec
81
monsieur ladvocat du roy de St Félix, pour faire réformer
82
larticle de ledit contenant evocation des causes
83
[v°] dentre ceux de diverses religions pour raison de quoy ilz avoient obtenu
84
le consentement daucuns conseillers de la Religion de leur compagnie,
85
daucuns gentilshommes et églises de leur ressort, mais il a esté
86
faitte une autre Brigue qui a remis les affères en difficulté.
87
1572